Экскурсія
– мэтанакіраваны наглядны працэс пазнання навакольнага свету чалавекам,
пабудаваны на загадзя адобраных аб’ектах, які праводзіцца пад
кіраўніцтвам экскурсавода па намечанаму маршруту і падчыняецца задачы
раскрыцця вызначанай тэмы.
Прыкметы экскурсіі:
- наяўнасць экскурсійнай групы;
- наяўнасць кваліфікаванага кіраўніка – экскурсавода;
- паказ экскурсійных аб’ектаў;
- перамяшчэнне групы па загадзя намечанаму маршруту;
- мэтанакіраваны агляд, наяўнасць тэмы, якая вызначае парадак і паслядоўнасць паказу аб’ектаў;
- працягласць у часе.
Асноўныя функцыі экскурсіі:
- адукацыйная – развіццё пазнавальнай актыўнасці, фарміраванне інтарэсу да канкрэтнай навуковай дысцыпліны;
- выхаваўчая – усебаковае гарманічнае выхаванне;
- інфармацыйная – у залежнасці ад тэмы і мэты ;
Класіфікацыя музейных экскурсій:
Па зместу:
◊ аглядныя; ◊ тэматычныя
Па мэтам:
◊ навуковыя; ◊ адукацыйныя; ◊ вучэбныя
Па месцу правядзення:
◊ па пастаяннай экспазіцыі; ◊ па выставе; ◊ па фондам
Па складу ўдзельнікаў:
◊ для дзяцей; ◊ для дарослых; ◊ для турыстаў
◊ для мясцовых жыхароў; ◊ для адзіночных наведвальнікаў
Вучнёўскія экскурсіі ў школьны музей - важны сродак пашырэння ведаў
пра гісторыю Айчыны і малой радзімы, захавання помнікаў прыроды,
гісторыі і культуры. На працягу апошніх гадоў змянілася тэматыка і
структура экскурсійнай дзейнасці музея. Колькасць аглядных і комплексных
экскурсій для навучэнцаў школы-сада памяншаецца, павялічваецца
колькасць тэматычных экскурсій. Класныя кіраўнікі пры планаванні
выхаваўчай працы цікавяцца меркаваннем навучэнцаў, адбіраюць актуальныя
тэмы і падаюць заяўкі на правядзенне экскурсій. Найбольш цікавымі за
апошнія гады былі наступныя экскурсіі: «Побыт людзей нашай мясцовасці ў
мінулым стагоддзі», «Развіццё сельскай гаспадаркі. Памешчыкі і сяляне»,
«Гісторыя роду Пачобут-Адляніцких», «Лішкаўскі парк і яго гісторыя»,
«Акупацыйная палітыка фашыстаў на нашых землях», «Асноўныя заняткі
насельніцтва і прылады працы ў экспазіцыях музея» і інш.
Комментариев нет:
Отправить комментарий